Muammoni hal qilish

O'zgarishlarim saqlanmayapti#

Flints yozishni to'xtatganingizdan bir necha soniya keyin saqlaydi. Yuqori panelda Saqlandi yozuvi chiqishi kerak.

Agar chiqmasa:

1. Internet aloqangizni tekshiring.
2. Sahifani yangilang (F5). Matn yo'qolmasligi kerak.
3. Agar sizni kirish sahifasiga otib yuborsa — sessiya tugagan. Qayta kiring va eslatmani tekshiring.

Eslatmam yo'qolib qoldi#

• Avval savatni tekshiring — o'chirilgan eslatmalar o'sha yerda turadi va tiklanishi mumkin.
• Papka ichida bo'lishi mumkin — papkani ochib ko'ring.
• Ctrl + K bosib nomi bo'yicha qidiring.

Wikilink ishlamayapti#

• Eslatma nomi aynan to'g'ri yozilganini tekshiring. Katta-kichik harf muhim emas, lekin imlo muhim.
• Eslatma nomi o'zgarganda havolalar avtomatik yangilanadi, shuning uchun muammo odatda imloda bo'ladi.

Kod blokida ranglar yo'q#

Til Plain Text bo'lib qolgan bo'lishi mumkin. Blokning yuqori chap burchagidagi til nomini bosib to'g'ri tilni tanlang.

Mundarija ko'rinmayapti#

Uchta sabab bo'lishi mumkin:

1. Eslatmada hali sarlavha yo'q — mundarija sarlavhalardan tuziladi.
2. Yuqori paneldagi mundarija tugmasi o'chirilgan.
3. Ekran juda tor — 1180 pikseldan tor ekranlarda mundarija avtomatik yashiriladi.

Ulashilgan havola ochilmayapti#

• Ulashish o'chirilgan bo'lishi mumkin. Eslatmani ochib Ulashishni tekshiring.
• Havola to'liq nusxalanganiga ishonch hosil qiling.

Rasm yuklanmayapti#

Qo'llab-quvvatlanadigan formatlar: PNG, JPG, GIF, WebP, SVG. Boshqa formatlar qabul qilinmaydi.

Yordam kerakmi?#

Yuqoridagilar yordam bermasa, Telegram guruhimizga yozing yoki kanalimizni kuzatib boring.